10 აპრილს, ბათუმის "საჭადრაკო კლუბი ნონა" და შპს "განათლება" გაცვლითი პროგრამის ფარგლებში, ესტუმრა ქუთაისის მაია ჩიბურდანიძის სახელობის საჭადრაკო სკოლას.
კომპფორტულ, მყუდრო შენობაში, ყველა პირობაა შექმნილი მოჭადრაკების წინსვლისა და დაოსტატებისთვის.
მეგობრული მატჩი ორი პარტიისგან შედგებოდა, მოთამაშეები ორივე ფერით ხვდებოდნენ ერთმანეთს.
მატჩის შემდეგ, პატარა მოჭადრაკეებმა ძალები უკვე სხვადასხვა მოწინააღმდეგეებთან პაექრობაში გამოსცადეს.
ორთაბრძოლების შემდეგ, ნათამაშები პარტიის შთაბეჭდილებებს ემოციურად უზიარებდნენ ერთმანეთს და ახალ მეტოქესთან ინაცვლებდნენ.
მწვრთნელები ყურადღებით ადევნებდნენ თვალყურს პარტიებს და რჩევებს და მითითებებს აძლევდნენ ბავშვებს სამომავლოდ.
ქუთაისი თბილად და ჩვეული სტუმართმოყვარებით დაგვხვდა.
ბავშვებმა ახალი გამოცდილება და მეგობრები შეიძინეს.
ნაყოფიერი დღის ბოლოს თვალწარმტაც ბუნებაში დასვენება დავიმსახურეთ.
ბაგრატის ტაძარს ვესტუმრეთ. გონებრივთან ერთად სულიერი საზრდოც მივიღეთ.
ასეთი სახის პროგრამები გაგრძელდება. ველოდებით უცხოელ სტუმრებსაც.
დაგეგმილია სხვა გასვლები რეგიონალურ კლუბებში და საჭადრაკო სკოლებში.
კიდევ ერთი ლამაზი დღე მიილია...
წინ ახალი შეხვედრები, პროექტები და
თავგადასავლები გველის!
ბათუმის "საჭადრაკო კლუბი ნონა"ს სახელით
მადლობა გვინდა გადავუხადოთ
ქუთაისის საჭადრაკო სკოლის ხელმძღვანელობას,
მწვრთნელებს შეხვედრის მაღალ დონეზე
ორგანიზებისა და თბილი დახვედრისთვის.