პირველი სვლა საჭადრაკო ოლიმპიადისკენ გაკეთდა.
ოლიმპიადის პერიოდში მილიონობით ჭადრაკის მოყვარული ადამიანის მზერა ბათუმზე იქნება მოპყრობილი. უდავოა, რომ ღონისძიება დადებით ეფექტს მოახდენს როგორც ქვეყნისა და რეგიონის ცნობადობის ამაღლების, ისე ახალი სპორტული ინფრასტრუქტურის შექმნისა და სპორტული ტურიზმის განვითარების კუთხით.
პროექტი "პირველი სვლა საჭადრაკო ოლიმპიადისკენ" ფარგლებში აჭარაში რამდენიმე ღონისძიება გაიმართა:
11-12 მაისს 43-ე საჭადრაკო ოლიმპიადის საორგანიზაციო კომიტეტისა და საქართველოს ჭადრაკის ფედერაციის ორგანიზებით ქობულეთში ჟურნალისტების პირველი სვლა საჭადრაკო ოლიმპიადისკენ - მედიატურნირი „ბათუმი 2018“ გაიმართა.
პირველობას მასპინძლობა გაუწია სასტუმრომ "Georgia Palace Hotel and Spa".
ტურნირი შვეიცარული სისტემით 7 ტურად გაიმართა და მასში მონაწილეობა მიიღო ქართული მასმედიის 30-მდე წარმომადგენელმა.
ყველა მონაწილეს გადაეცა ოლიმპიადის ბრენდირებული ნივთების სასაჩუქრე ნაკრები.
საპრიზო ადგილზე გასული მოთამაშეები დაჯილდოვდნენ აგრეთვე სპონსორების მიერ დაწესებული პრიზებით.
გუდვილმაგამარჯვებულთათვის 500, 300, 200 და 100 ლარიანი სასაჩუქრე პაკეტები, ხოლო სოკარმასპა ვაუჩერები დააწესა.
დაძაბული და საინტერესო ორთაბრძოლების შემდეგ "ბათუმი 2018" - მედიატურნირის გამარჯვებულები გამოვლინდნენ:
გოჩა თანდარაშვილი - I ადგილი (კომედი არხი)
ზაქრო ინწკირველი - IIადგილი (რუსთავი 2)
ნიკა ახალაია - III ადგილი (იმედი)
თენგიზ ჩობანიძე - IVადგილი, საუკეთესო სპორტული ჟურნალისტი (მსოფლიო სპორტი)
ნინო ფაშალიშვილი - ქალთა შორის საუკეთესო მოთამაშე (მაესტრო)
მონაწილეებს პრიზები ევროპოს საჭადრაკო კავშირის პრეზიდენტმა, ზურაბ აზმაიფარაშვილმა, საქართველოს ჭადრაკის ფედერაციის პრეზიდენტმა, გიორგი გიორგაძემ, ლეგენდარულმა ნონა გაფრინდაშვილმა, არაჩვეულებრივმა დიდოსტატმა, ნანა იოსელიანმა და ფიდეს კონსულტანტმა თეა ყიფშიძემ გადასცეს.
ტურნირის ტექნიკური შედეგები: http://chess-results.com/tnr353105.aspx?lan=11&art=1&turdet=YES
12 მაისს - სასტუმრო "Georgia Palace Hotel and Spa"-ში 2018 წლის საჭადრაკო ოლიმპიადის საორგანიზაციო კომიტეტის პრეს კონფერენცია გაიმართა.
ისაუბრეს ოლიმპიადის მოსამზადებლ ეტაპებზე, ტექნიკურ და შემოქმედებით მხარეებზე და მსოფლიოში ყველაზე მასშტაბური ღონისძიების მნიშვნელობაზე.
ნაჩვენები იყო ფოტო მასალა და ვიდეო რგოლები. განიხილეს დაგეგმილი სხვადასხვა საჭადრაკო პროექტი და აქტივობა, რომელიც უხვად იქნება როგორც წინა
მოსამზადებელ პერიოდში ასევე ოლიმპიადის პარალელურად. კონფერენციის დასკვნითი ნაწილი ყველაზე აქტუალურ კითხვებზე პასუხებს დაეთმო.
13 მაისს - ევროპის საჭადრაკო კავშირის პრეზიდენტი ზურაბ აზმაიფარაშვილი და ფიდეს კონსულტანტი სოფიო ბაკურიძე აჭარის ტელევიზიის გადაცემა "დილის ტალღას" ეწვივნენ და ბათუმში დაგეგმილ აქტივობებსა და 43-ე საჭადრაკო ოლიმპიადის სამზადისზე ისაუბრეს.
ანსამბლი და სტუდია "მწვერვალი"ს შესრულებით, ხელმძღვანელი: ამირან პაიჭაძე, პედაგოგები: თემო გოგიტიძე და ნანა ქარსელაძე
გოგა ჩანადირის ალბომი: იხილეთ
სეირან ბაროიანის ალბომი: იხილეთ