19 მაისიდან - 27 მაისის ჩათვლით, საჭადრაკო კლუბ ნონაში, მწვრთნელებისთვის და კლუბის ნორჩი, წარმატებული წევრებისთვის, საქართველოს ქალთა ეროვნული ნაკრების მწვრთნელი, "ფიდეს სენიორ ტრენერი" (FST), საერთაშორისო დიდოსტატი დავით ჯოჯუა ლექცია-სემინარებს და მასტერკლასებს ატარებს.
კვალიფიკაციის ამაღლების და გადამზადების ფარგლებში კლუბ ნონაში იმართება ლექცია-სემინარები კლუბის
არბიტრებთან და მწვრთნელებთან, აგრეთვე მასტერკლასები და ერთდროული თამაშის სეანსი კლუბის წარმატებულ
ნორჩ წევრებთან.
არბიტრებისთვის ლექცია-სემინარებს, ატარებს უმაღლესი ა კატეგორიის საერთაშორისო არბიტრი (IA) მარიკა ჯაფარიძე.
თემა: 2017 და 2018 წ. ფიდეს მიერ დამტკიცებული ახალი წესები.
ცვლილებები, სათამაშო და სატურნირო წესები, საჭადრაკო საათები, ტურნირების სახეობები, ჩატარების სისტემები, თავისებურებები,
კენჭისყრა, დამატებითი მაჩვენებლები, საინტერესო მაგალითები და შემთხვევები.
მწვრთნელებისთვის და წევრებისთვის ლექცია-სემინარებს და მასტერკლასებს ატარებს საქართველოს ქალთა ეროვნული ნაკრების მწვრთნელი,
"ფიდეს სენიორ ტრენერი" (FST), საერთაშორისო დიდოსტატი დავით ჯოჯუა (2583).
მწვრთნელებისთვის ლექცია-სემინარების თემა
სადებიუტო თეორია: თანამედროვე, პოპულარული სადებიუტო ტენდენციები, სქემები, ვარიანტები, ძირითადი მიმართულებები.
წევრებისთვის მასტერკლასის თემა
ენდშპილები: თეორიული პოზიციების გათამაშეის ტექნიკა.
საჭადრაკო კლასიკა: წამყვანი მოჭადრაკეების მიერ გათამაშებული პარტიები. თემატური მაგალითები.
ვფიქრობთ ასეთი სახის გადამზადების პროგრამები ხელს შეუწყობს როგორც კლუბის მწვრთნელებს და არბიტრებს, ასევე ნორჩ მოჭადრაკეებს შემდგომ წინსვლასა,
და განვითარებაში, კვალიფიკაციის ამაღლებაში, დაოსტატებაში და პროფესიონალიზმის ზრდაში.
აგრეთვე მასტიმულირებელი იქნება ახალი მიზნების დასახვისა და განხორციელების საკითხებში.
25 მაისს ერთდროული თამაშის სეანსი გამართა 20 დაფაზე.
პარტიები საინტერესო გამოვიდა და ბავშვებისთვის სტიმულის მომცემი. ყველას უნდოდა თავისი ძალა გამოეცადა ტიტულოვან და წარმატებულ მოჭადრაკესთან.
ბოლოს შემორჩენილმა გიორგი ჭანტურიამ და ელისაბედ მიქაძემ ჯილდოდ 1/2-1/2 ქულა დაიმსახურეს შეუპოვარი ბრძოლისთვის.
ფოტო გალერეა: https://www.facebook.com/pg/ccNONA/photos/?tab=album&album_id=877635959111987
გვინდა საჭადრაკო კლუბი ნონას სახელით უდიდესი მადლობა გადავუხადოთ ბატონ დავითს,
ნაყოფიერი, სასარგებლო, ახალი იდეებით დატვირთული საჭადრაკო დღეებისთვის, რომელიც უთუოდ დაეხმარება
კლუბი ნონას მწვრთნელებს და წევრებს მომდევნო საჭადრაკო მწვერვალების დალაშქვრაში.