ამა წლის 24-25 სექტემბერს, ბათუმის ზღვისპირა პარკში სპორტის ფესტივალი გაიმართა ჭადრაკში, ბილიარდში და მაგიდის ჩოგბურთში.
ფესტივალის ორგანიზატორები:
ბათუმის მუნიციპალიტეტის მერია; ბათუმის სპორტული ცენტრი.
ტექნიკური უზრუნველყოფა: ბათუმის ა(ა)იპ "საჭადრაკო კლუბი ნონა".
ჭადრაკში პირველობები ოლიმპიური სისტემით, ორ დამოუკიდებელ ტურნირად ჩატარდა
ვაჟთა შორის (12 მონაწილე) და ქალთა შორის (9 მონაწილე).
მონაწილეობის მიღება შეეძლოთ მხოლოდ არაპროფესიონალ მოჭადრაკეებს.
დროის კონტროლი: თითოეულ მოთამაშეს 10-10 წუთი ჰქონდა გამოყოფილი პარტიის ბოლომდე.
24 სექტემბერს I და II ტურის შეხვედრები, ხოლო 25 სექტემბერს დასკვნითი III ტურის - ნახევარფინალები
და IV ტურის - ფინალური ორთაბრძოლები გაიმართა.
პარტიები დინამიურად და საინტერესოდ წარიმართა. მოთამაშეებს გულშემატკივარიც ბევრი ყავდა და მაყურებელიც.
დაძაბული ბრძოლის შემდეგ საპრიზო სამეულებიც გამოვლინდნენ:
ვაჟთა შორის: I ადგილი - ალექსანდრე რუხაძე; II ადგილი - ამირან მგელაძე; III ადგილი - ბადრი ბოლქვაძე ;
ქალთა შორის: I ადგილი - ქეთი კეკელიძე; II ადგილი - ლიკა ამყოლაძე; III ადგილი - ხატია ბერიძე;
საპრიზო სამეულები თასებით, მედლებით, სიგელებითა და ორგანიზატორების მიერ დაწესებული
ფულადი ვაუჩერებით დაჯილდოვდნენ.
(I ადგილი - 400 ლ. ; II ადგილი - 300 ლ. ; III ადგილი - 150 ლ.-ანი ვაუჩერები, როგორც ვაჟთა, ასევე ქალთა შორის).
ბათუმის "საჭადრაკო კლუბი ნონა"
ულოცავს გამარჯვებულებს წარმატებას !
ფოტო გალერეა: https://www.facebook.com/pg/ccNONA/photos/?tab=album&album_id=1217390758469837
ბათუმის სპორტული ცენტრი: https://www.facebook.com/batsyc/